இலங்கையில் 17.1 வீதமான குழந்தைகள் குறைந்த எடையுடையவர்கள் என அடையாளம் காணப்பட்டுள்ளதாக நாடாளுமன்ற தெரிவுக்குழு அறிக்கை ஒன்றை வெளியிட்டுள்ளது.
இந்த குழந்தைகள் ஐந்து வயதுக்குட்பட்டவர்கள் என நாடாளுமன்ற உறுப்பினர் வடிவேல் சுரேஷ் தலைமையிலான தெரிவுக்குழு சுட்டிக்காட்டியுள்ளது.
2016 ஆம் ஆண்டில் இந்த எண்ணிக்கை 15.6 வீதமாக இருந்தது என குறிப்பிட்டுள்ளது.
2020, 2021 ஆம் ஆண்டுகளில் ஐந்து வயதுக்குட்பட்ட எடை குறைந்த குழந்தைகளின் விகிதம் 13.1 வீதத்திலிருந்து 12.2 வீத சரிவு காணப்பட்டுள்ளது.
குடும்ப சுகாதார பணியகத்தின் புள்ளிவிவரங்களின் அடிப்படையில் கடந்த ஆண்டு ஐந்து வயதுக்குட்பட்ட குழந்தைகளில் 10.3 வீத வளர்ச்சி குன்றியதாகக் கண்டறிந்துள்ளது.
2021 ஆம் ஆண்டில் 7.4 வீதமாகக் குறைந்த போது, குறைந்த வளர்ச்சி விகிதம் பதிவு செய்யப்பட்டது.
10 வீதமான குழந்தைகள் கடந்த 2022 ஆம் ஆண்டு நேரத்தை வீணடிப்பதாக நாடாளுமன்ற தெரிவுக்குழு சுட்டிக்காட்டியுள்ளது.
2016 ஆம் ஆண்டு இது 11.3 வீதமாக காணப்பட்டது.
குழந்தைகளின் போசாக்கின்மை தொடர்பில் ஆராய்ந்து அதற்கான தீர்வுகளை வழங்குமாறு அந்த குழுவுக்கு பரிந்துரை செய்யப்பட்டுள்ளது.
இது தொடர்பில் மேற்பார்வை செய்து விரைவில் அதற்கான நடவடிக்கைகளை மேற்கொள்வதாக நாடாளுமன்ற தெரிவுக்குழு தெரிவித்துள்ளது.
இலங்கையில் குழந்தைகளின் போசாக்கின்மை தீவிரமடைந்து வருவதாக யுனிசெப் நிறுவனம் இரண்டாவது தடவையும் எச்சரித்துள்ளதாக அந்த அறிக்கை குறிப்பிட்டுள்ளது.
ஐந்து வயதிற்குட்பட்ட குழந்தைகளிடையே அதிக எடை, உடல் பருமன் பாதிப்பு கடந்த ஆண்டு 0.4 சதவீதமாக இருந்தது, 2021 இல் அது 0.8 வீதமாக இருந்தது என்றும் அறிக்கையில் தெரிவிக்கப்பட்டுள்ளது.
2022 ஆம் ஆண்டு பொருளாதார நெருக்கடியின் காரணமாக இந்த நிலை ஏற்பட்டிருக்கலாம் என நாடாளுமன்ற தெரிவுக்குழு மேற்கோள்காட்டியுள்ளது.
நாள் சம்பளம் பெறுவோர்களில் 82 வீதமானோரும், விவசாயிகளில் 78 வீதமானோரும் பொருளாதார நெருக்கடியினால் அதிகம் பாதிக்கப்பட்டுள்ளதாக தெரிவுக்குழு தெரிவித்துள்ளது.
நாட்டில் ஏற்பட்டுள்ள பொருளாதார நெருக்கடி காரணமாக 98 வீதமான மக்கள் உணவுக்காக செலவளிப்பதற்கு சிரத்தை கொண்டுள்ளனர்.
2022 ஆம் ஆண்டின் கடைசி ஆறு மாதங்களில் 74 வீதமான குடும்பங்கள் உணவு அல்லது தினசரி அத்தியாவசிய பொருட்களை கொள்வனவு செய்வதற்கு சிரமமாகவுள்ளதாக நாடாளுமன்ற தெரிவுக்குழு அறிக்கையில் குறிப்பிடப்பட்டுள்ளது.
புனிதா
